Money time : आपल्या व आपल्या कुटुंबाच्या आर्थिक स्थैर्यासाठी माणूस सदैव गुंतवणूक करत असतो.अशावेळी बँक फिक्स डिपॉझिट(FD),पोस्टातील RD किंवा नवीन पर्याय आलेला आहे सिस्टिमॅटिक इन्व्हेस्टमेंट प्लॅन म्हणजेच SIP इत्यादी पर्याय आपल्या सरकारी कर्मचारी तसेच सर्वच क्षेत्रातील व्यक्तींसमोर असतात.आता या सर्वांमध्ये कोणते गुंतवणूक सर्वाधिक फायद्याची होईल याची माहिती आपण या लेखांमध्ये बघणार आहोत तर बघूया सविस्तर माहिती
Post office Recurring Deposit
आपण जर RD मध्ये गुंतवणूक एकदा सुरू केली असेल, तर तुम्हाला सलग 5 वर्षे दरमहा ठराविक रकमेचा हप्ता भरावा लागेल.आपण यातून मुदतपूर्तीपूर्वी रक्कम काढू शकत नाही.खाते उघडल्याच्या तारखेपासून तीन वर्षांनंतर तुम्ही ते कधीही बंद करू शकता, येथे तुम्हाला पोस्ट ऑफिस बचत खात्यानुसार त्यावर व्याज दिले जाते.
SIP investment benefits
SIP द्वारे तुम्ही शेअर बाजारात जी काही रक्कम गुंतवली असेल, त्या रकमेवर त्यावेळी जे काही व्याज असेल,त्या व्याजासह एकूण रक्कम परत केली जाईल.आपणास जर sip hold करायची असेल तर तुम्ही तेही करू शकता.तुम्ही ते कधीही पुन्हा सुरू करू शकता.
एसआयपी होल्ड केलेल्या काळात हप्ता भरला नाही तरी सुद्धा त्यासाठी कोणताही दंड बसणार नाही.एसआयपीमध्ये काही कारणास्तव तुम्ही 5 वर्षे सतत गुंतवणूक करण्याच्या स्थितीत नसल्यास, केव्हाही sip बंद करू शकता आणि रक्कम काढू शकता.
SIP investment Calculator
आता आपण एसआयपी आरडी आणि बँक डिपॉझिट यामध्ये सर्वाधिक फायद्याचे कोणते राहील? याची माहिती कॅल्क्युलेटरच्या आधारे बघूया,मित्रांनो सर्वप्रथम पाच हजार रुपयाची गुंतवणूक केल्यानंतर कसा नफा मिळेल याची माहिती जाणून घेऊया
5 हजार रुपये RD गुंतवणूकवर किती नफा ?
समजा आपण पोस्ट ऑफिसमध्ये दरमहा 5 हजार रुपयांची RD सुरू केली, तर तुम्हाला एका वर्षात 60,000 आणि 5 वर्षांत एकूण 3,00,000 रुपयांची गुंतवणूक करावी लागते 6.5 % व्याजदरानुसार, तुम्हाला या गुंतवलेल्या रकमेवर एकूण 54,957 रुपये व्याज मिळू शकते. म्हणजे 5 वर्षात जमा 3 लाख रक्कम आणि व्याजाची 54957 रुपये रकमेसह एकूण 3,54,957 रुपये मिळतील.
5 हजार रुपयाच्या SIP वर किती नफा?
SIP बद्दल सांगायचे झाले तर तुम्ही SIP द्वारे म्युच्युअल फंडात दरमहा 5000 रुपयांची गुंतवणूक 3 लाख रुपये येथे पण जमा होईल पण यामध्ये नफा जास्त मिळतो. साधारणपणे एसआयपीमध्ये सरासरी 12 % परतावा मिळतो.
तुम्हाला 3,00,000 रुपयांच्या गुंतवणुकीवर 1,12,432 रुपये व्याज मिळेल आणि 5 वर्षानंतर तुम्हाला एकूण 4,12,432 रुपये मिळतात.आता आपण व्याजाची तुलना केली, तर एसआयपीमध्ये मिळणारे व्याज आरडीच्या तुलनेत जवळपास दुप्पट आहे.
(टीप – आर्थिक गुंतवणूक करण्यापूर्वी संबंधित क्षेत्रातील जाणकार किंवा तज्ज्ञांचा सल्ला घ्यावा.)